Esperta Monforte insiste na importancia de contar cun plan xeral para Monforte, a este respecto tódolos partidos levaban no seu programa das eleccións municipais, a realización de estudos para a súa elaboración.

Segundo Esperta Monforte, o equipo de goberno xa levaba no programa para as eleccións do 2019, comezar os estudos de cara á elaboración do PXOM e lamentan que non se teña feito nada en 9 anos, “levan 9 anos contestándonos que teñen outras prioridades, moitas das cales precisan de plans especiais que se están facendo e nada sabemos do inicio dos traballos para a elaboración do plan”.

Esperta Monforte tamén preguntará no pleno cando se arranxarán as pistas de tenis da Pinguela, “que están un estado lamentable a pesar do recente arranxo de 4 millóns de euros do pavillón”.

Preguntarán tamén sobre os problemas de iluminación e o exceso de velocidade no paso sorterrado da rúa Ánxel Fole. Queren coñecer se hai previsións de colocar sinais de velocidade e de iluminar o paso.