A renuncia do edil, Víctor Manuel Rodríguez López, débese a motivos persoais. “Desde o PP queremos agradecer todo o traballo realizado durante estes meses por este compañeiro en prol da mellora de Monforte e da calidade de vida dos seus veciños”, sinalan desde o partido.

“Como non pode ser doutro xeito, queremos poñer en valor a enorme xenerosidade amosada por Víctor Manuel Rodríguez López trala súa renuncia ante as dificultades para poder exercer as labores de concelleiro como considera que merece o cargo, deixando patente que o máis importante é a defensa do noso municipio, as súas parroquias e os seus veciños”, destacan os populares.

A renuncia de Víctor Manuel Rodríguez será oficial no pleno ordinario do mes de marzo.