No último pleno do concello de Monforte, o equipo de goberno aprobaba as modificacións da ordenanza de circulación de Monforte. O PP de Monforte lamenta que non se atenderan as alegacións que presentaron e consideran que o alcalde “está tentando confundir á poboación con mensaxe erróneas”, polo que veñen de rexistrar un escrito no concello solicitando unha campaña informativa para toda a veciñanza, especialmente para os afectados.

Desde o PP consideran que a poboación debe saber que as infraccións en zonas peonís poden ter un custo de 200€ por multa, entre outras sancións. Katy Varela recorda que estas modificacións da ordenanza “están a causar moita controversia, polo que pedimos que segundo paga publicidade para outro tipo de fins, neste caso está máis que xustificado xa que afecta a unha porcentaxe da poboación moi ampla”.