O BNG valora os resultados electorais como históricos tanto a nivel galego como en Lugo. En Galicia chegaron case ao medio millón de votos, 155.000 máis que en 2020, colocando ao BNG cun grupo parlamentario de 25 integrantes, que ocupa un terzo do hemiciclo, mentres que tanto na provincia de Lugo como na cidade se conseguiu unha mellora notable. O BNG foi a segunda forza na práctica totalidade dos concellos do Sur de Lugo, “uns resultados que amosan un cambio de tendencia en Galiza”, afirmou o deputado Iago Suárez.
Suárez afirmou que “desde o BNG lideraremos os vindeiros 4 anos unha opocición construtiva, facendo propostas en positivo que melloren a vida das galegas e galegos”, e engadiu “ofreceremos un modelo mellor que o que está a executar o PP desde os últimos 15 anos”.
O deputado do BNG afirmou que para a o sur de Lugo, as principais liñas de traballo do BNG basearanse en reclamar ao goberno “unha mellor sanidade pública e políticas que permitan fixar poboación e industria no rural, poñendo fin ao abandono da comarca”.
“Traballaremos da man das nosas veciñas e veciños que ambicionan unha Galiza mellor, con mellores servizos públicos con máis oportunidades e máis dereitos, construiremos esta Galiza colectivamente ao longo destes catro anos”, afirmou Iago Suárez.
