Esperta Monforte considera que as instalacións da casa da cultura, e en particular da bibllioiteca municipal, precisan dunha reformulación que garanta o seu futuro e preste mellor servizo.
No caso da biblioteca consideran urxente mellorar a iluminación das mesas e colocar tomas de electricidade en cada posto das mesas para enchufar dispositivos electrónicos. Para Esperta Monforte sería importante poder establecer espazos diferenciados; por exemplo de lectura para adultos, para adolescentes e para infantil; espazos nos que poder falar e realizar traballos en equipo. Entre outras cousas consideran importante promover actividades infantís de lectura e crear un espazo para club de lectura. Para a creación destes novos espazos, Esperta Monforte propón mercar o edificio anexo á casa da cultura, onde se ubicaba a Galería Sargadelos.
Noutra moción, repasan a importancia e traxectoria do volei en Monforte, que na actualidade ten case 250 licenzas. Refírense á celebración, cada verán, desde hai 25 anos do campionato de volei praia e que varios deportistas participan no cicuíto galego deste deporte, polo que demandan un espazo permanente no que estes deportitas poidan practicar o volei praia.
