Katy Varela afirma que o alcalde foi incapaz de aclarar no pleno de maio se solicitou as axudas autonómicas para a mellora dos parques empresariais e para o reforzo e extensión da rede eléctrica dos parques empresariais

Segundo os populares, a resposta de Tomé foron reproches cara a Xunta, cando é o goberno autonómico o que ofrece estes fondos para poder realizar esas melloras nas zonas industriais, “Un novo exemplo de que Tomé négase a solicitar os fondos que pon a disposición o goberno galego unicamente por capricho político”, denunciou.

Katy Varela tamén critica tamén a “falta de alternativas” do alcalde para realizar actuacións necesarias “cando algo non sae como tiña previsto” en alusión á obra de renovación do saneamento na Compañía que, “finalmente, non se realizará”, lamenta Varela.

Preguntado o alcalde no pleno sobre este tema dixo que “realizarase a renovación no Morín”. “A realidade é que anunciou a obra na Compañía e non se vai a facer”, asegura a voceira popular.

Para os populares, “Tomé segue impedindo o crecemento que Monforte necesita xa que so se preocupa de buscar titulares que lle dean protagonismo a pesar de que logo, como sucede na Compañía, non se cumpra o anunciado.