Os usuario do Courel terán 5 días no mes de outubro para poder pedir cita, no seu médico/a de cabeceira, segundo informan desde Courel Vivo, despois de que este luns publicárase no centro de saúde unha listaxe coas poucas horas nas que haberá atención médica en Seoane durante o vindeiro mes. Idéntica situación no outro centro de saúde do municipio, en Folgoso.

Courel Vivo denuncia o abandono asistencial e considera que de nada serviron as reiteradas queixas dos veciños, xa que a situación vai a peor. “É indignante que desde o Sergas se nos diga que non hai médicos cando anunciaron por todo o alto que conseguiran 200 novos médicos este ano. Que prioridades seguen á hora de cubrir as faltas? Nunha montaña a 1 hora do médico máis próximo, non lles parece suficiente para priorizar esa zona?”, preguntan, asegurando que seguirán reclamando unhas condicións médicas axeitadas para o territorio.