A mellora da liña entre Lugo-Monforte-Ourense iniciada hai dous anos implicou actuacións de electrificación e mellora de túneles e pontes, entreoutras infraestruturas. Especialmente dificultosas están a ser as obras entre Monforte e Ourense que obrigaron a cortar a liña.
Nunha resposta de Adif ao BNG de xuño de 2024 sinalábase que “a maioría das obras estaban na fase final” e apuntábase aos “danos causados pola climatoloxía invernal” entre Santo Estevo do Sil e Os Peares como o factor que estaba a retrasar a apertura do servizo desta conexión a “finais de setembro” cando estaba prevista para abril.
Con todo a liña continúa cortada e segundo o BNG, Adif acaba de indicar que non é posíbel a súa reapertura neste outono, producíndose un novo retraso. Os últimos
problemas téñense producido no novo túnel de Oural, no que as chuvias recentes causaron a entrada de auga e o derrubamento da trincheira.
Así o BNG leva a Congreso as seguintes preguntas:
- Vaise producir un novo retraso na reapertura da liña ferroviaria Monforte-Ourense prevista para finais de setembro?
- Non foi posíbel arranxar os problemas derivados da climatoloxía e derrubes na zona dos Peares?
- Cales son os impedimentos na actualidade para proceder á esperada e necesaria apertura da liña? Producíronse derrubamentos e inundacións no novo túnel de Ourol?
- Pode Adif dar unha data fiábel e concreta para a reapertura desta liña ferroviaria? Será antes de que finalice o ano?
