O PP solicitaba ao pleno reclamar do Goberno Central a chegada do AVE de Lugo a Ourense ao o equipo de Goberno votou en contra, polo que Katy Varela afirma que “Tomé votou en contra do crecemento de Monforte, de revitalizar o sector ferroviario na nosa cidade e de que a provincia de Lugo siga sendo a máis illada de Galicia e a súa contorna”.
A voceira popular lamenta que Monforte “teña un alcalde máis preocupado por cumprir co PSOE que por dar aos monfortinos os servizos que merecemos” e asegura que “o voto do alcaslde foi un voto a favor de que Monforte e a provincia de Lugo sigan illados, xa que somos a única provincia de Galicia e de toda a contorna sen este servizo fundamental”.
Dende o PP de Monforte afirman que “é imposible de entender a decisión de Tomé e o seu goberno de votar en contra da chegada do AVE a Monforte xa que os seus compañeiros do PSOE no Parlamento galego votaron a favor desta petición”.
Katy Varela recorda que cando gobernaba o Partido Popular en Madrid, con Mariano Rajoy coma presidente, “había un proxecto, prazos e partidas orzamentarias concretas para que a chegada do AVE á provincia fose unha realidade, pero coa chegada do PSOE á Moncloa todo iso desapareceu e as variantes necesarias para que os trens poidan circular a alta velocidade pola provincia (Os Peares-Canabal e Rubián) tamén desapareceron”.
“Queda claro que José Tomé está a favor da discriminación que padece a provincia de Lugo por parte do Goberno central, que non só se ve reflectida no eido ferroviario, xa que outras infraestruturas fundamentais para a cidade, como a autovía de Monforte a Ponferrada (A-76) tamén están paralizadas e nada se sabe”, conclúe Varela.
