Os deputados populares sinalan que “os veciños de Folgoso do Courel puideron ver o sectarismo que guía ao goberno de José Tomé, que toma as súas decisións mirando unicamente a cor política que goberna cada municipio”.

Os populares agradecen o esforzo da alcaldesa e de medio cento de veciños que se achegaron ata o pleno provincial. Segundo os populares, “mentres PSOE e BNG seguen negándose a cumprir co asinado en 2018, o Concello de Folgoso do Courel cumpriu con todas as obrigas que lles asignaba o convenio, entre as que se atopan a posta a disposición dos terreos, no ano 2019, e, posteriormente, a resolución da licenza de obra, o 13 de xaneiro de 2022.

No ano 2015 comezaron as conversas para a creación do convenio inter administrativo entre o Concello de Folgoso do Courel e a Deputación de Lugo, un acordo que se asinou en 2018 e que tivo que prorrogarse en dúas ocasións.

O investimento necesario estimouse en 1.400.000€, dos cales a Deputación aportaría 1.200.000€ e se encargaría, entre outros cometidos, de licitar, adxudicar e xestionar os contratos de obra e servizos precisos, correspondendo ao Concello de Folgoso do Courel achegar 200.000€ e, entre outros, aportar os terreos necesarios para a construción da residencia e o centro de día.

No 2019 solicitouse a prórroga do convenio ata o 2021, cando se asinou a segunda addenda de prórroga, tendo como data límite para a construción da residencia o mes de xullo de 2025.