O expediente sobre esta instalación no Paseo do Malecón establece a obriga aos actuais cesionarios de derribar o quiosco e desmontar a terraza. O PP de Monforte expón:

• O Partido Popular sempre vai a estar ao carón da legalidade vixente e, en ningún momento, instaremos ao Concello de Monforte a levar a cabo accións que contradigan a normativa existente.
• O Partido Popular sempre está a favor de potenciar a riqueza do municipio e de dar facilidades aos negocios para mellorar así a nosa economía pero, por suposto, dentro da legalidade vixente.
• O Partido Popular lamenta o peche deste negocio emblemático por dous motivos. En primeiro lugar, a perda dunha iniciativa que xeraba postos de traballo durante a tempada estival. En segundo lugar, o agarimo que espertaba nos veciños, por estar situado nun lugar excepcional como o é o Paseo do Malecón que, ademais, dadas as elevadas temperaturas que sufrimos durante o verán, sempre é de agradecer que existan este tipo de alternativas como era este bar ao carón do río.
• Dada a polémica xerada e sendo coñecedores que a administración local anterior á actual iniciou os trámites para a súa legalización, o Partido Popular de Monforte procedeu a solicitar o expediente completo. Unha vez estudada a información necesaria se se considera que existe posibilidade de legalización por parte do Concello de Monforte e da Confederación Hidrográfica Miño-Sil da concesión dunha actividade similar nesta ubicación, procederán a instar ao Concello a legalizar esta actividade polos motivos anteriormente expostos.