Courel Vivo asegura que despois das 13:30h deste sábado, os veciños e veciñas do muncipio só contarán con equipo médico no limítrofe concello de Quiroga, “que deberá atender as urxencias dos dous concellos e a maiores tamén do concello veciño de Ribas de Sil”.
Con todo, Courel Vivo denuncia unha vez máis a situación de abandono asistencial do Courel por parte do SERGAS. “En pleno mes de xullo, nunha fin de semana longa, e cun conseguinte aumento da poboación nestas datas, o sábado 26 de xullo na garda de Seoane do Courel só haberá asistencia médica de 08:00 a 13:30. A partir desta hora ata as 22:00 só haberá persoal de enfermaría e quedará un só equipo médico en Quiroga” para a atención das urxencias dos Concellos de Quiroga, Ribas de Sil e Folgoso do Courel, “resultando este último o máis perxudicado, dada a grande distancia ao centro de referencia”, engaden.
