HomePolíticaCinco familias poden conciliar grazas á Casa Niño de Folgoso do Courel

Cinco familias poden conciliar grazas á Casa Niño de Folgoso do Courel

Está financiada pola Xunta e recibiu a visita do delegado territorial de Lugo, José Manuel Balseiro. Actualmente atende a cinco nenos e nenas de entre 3 meses e 3 anos.

Publicado o

- Advertisement -

Balseiro coñeceu as instalacións acompañado da súa promotora, Alba Rodríguez Sanmartín, e da alcaldesa, Dolores Castro. Salientou que o Goberno galego aposta por este modelo pioneiro de atención á primeira infancia e de conciliación familiar no medio rural. Avanzou tamén que se ampliará proximamente a rede de centros ao abeiro da terceira convocatoria de axudas da Consellería de Política Social.

A casa niño de Folgoso do Courel está funcionando dende principios de 2017 e presta un servizo gratuíto de conciliación e atención á primeira infancia a cinco familias do concello. Funciona de luns a venres con horario de 9:00 a 17:00 horas. Estes fogares proporcionan atención a nenos e nenas con garantías de seguridade e calidade, esixíndose unha formación ou experiencia profesional específica aos coidadores e  impoñéndose ademais uns requisitos e normas de seguridade nas instalacións.

O delegado territorial engadiu que este sistema de conciliación contribúe a “fomentar o autoemprego e mellorar as condicións de vida das propias familias, dotando aos municipios de recursos de conciliación e eliminando así un dos inconvenientes cos que se poden atopar os pais e nais nas contornas rurais”.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...