O voceiro socialista, Benjamín Escontrela, advertiu que “o alcalde gastou sen control, ignorou todas as advertencias e agora pretende que sexa a xente quen pague a súa nefasta xestión económica”. Engadiu que “non imos permitir que se afogue á veciñanza con recibos imposibles nin que Sarria pague o prezo dunha irresponsabilidade da que Garrido é único responsable”.

Escontrela asegura que o propio alcalde provocou un desaxuste orzamentario de 1,5 millóns de euros, e que agora utiliza o plan económico “para meter a man no peto da cidadanía, subindo de golpe taxas como o lixo, o IBI, a auga ou os vehículos nun dos maiores incrementos fiscais que se recordan no municipio”.

O partido agradeceu a participación da cidadanía e afirmou que continuará promovendo mobilizacións e iniciativas políticas para frear “un golpe fiscal tan inasumible como innecesario”.

Concentración taxas / PSOE