O PP provincial explica que Julia Rodríguez, a que era presidenta local do Partido Popular en Monforte, vén de anunciar que deixa o cargo, o que trae consigo a constitución dunha xestora. A  composición da nova xestora local darase a coñecer xunto coa presentación oficial do candidato á alcaldía, José Miguel González.

O acto contará con representantes do PPdeG, do Partido Popular da provincia de Lugo e do PP de Monforte que arrouparán a Miguel González na súa presentación como candidato á alcaldía. Inicialmente estaba previsto que fose este sábado pero a dirección provincial anunciou que se trasladaba a comezos de semana, concretamente o luns 28 de xaneiro.