Denuncian desde Por Chantada-CUP que o Orzamento chegou fóra de prazo e que pola Conta Xeral de 2017 saben que dos investimentos reais se executaron só 477.896,73€, deixando sen executar 362,309,03€. Aseguran que Chantada, cun orzamento de 6.373.114.88€ só contempla investir o 4.81% dos seus recursos a pesar do estado das súas infraestruturas.

Por Chantada-CUP di botar en falta nos orzamentos, que se impulsen o imposto ás eléctricas e as bonificacións para o sector primario. Lembran tamén que o IAE “segue sendo inferior ao que Chantada merece polo impacto destas actividades, mais este alcalde en 20 anos non fixo xestións ao respeito”. Pregúntanse desde Por Chantada-CUP onde están as inversións para as problemáticas coa auga, a canalización dos regatos ou onde se contempla o arranxo da casa escola do Moredo.

No capítulo de ingresos aseguran, “parécenos unha tolaría que se multiplique en varios díxitos a estimación de ingresos por sancións de tránsito, en base na contratación dunha empresa para xestionar as multas.”

Segundo Por Chantada-CUP, nos presupostos non hai proxectos de futuro, ou investimentos pensados “para proxectar no país do Faro un modelo de futuro para a maioría social.” Nesta situación consideran que “O concello non debería volver ao PP, debería polo ben de Chantada fechar o seu ciclo político e irse para a casa.”