O alcalde do Concello do Saviñao, Carlos Armesto, supervisou os traballos que están a desenvolver os participantes no módulo de forestais do obradoiro de emprego Ricra IV que impulsa o Concello do Saviñao en colaboración cos Concellos de Pantón e Sober.

O rexedor local explica que “están a desenvolver a limpeza e a recollida da folla para realizar unha poda tanto estética como sanitaria na devesa de Escairón”. 

Os traballos de limpeza e recollida de folla estenderanse durante esta semana e, unha vez rematada a poda en Escairón, “realizarase tamén a limpeza, recollida de folla e poda na devesa de Currelos”, explica Armesto.

Estes labores que realizan os alumnos-traballadores do obradoiro son supervisados por dous monitores especializados.