Máis de 4.000 persoas mobilízanse na provincia no dispositivo para as eleccións xerais deste domingo, segundo informa a subdelegación do Goberno. Constituíronse 541 mesas electorais e imprimíronse 3.000.000 de papeletas das 12 candidaturas proclamadas para o Congreso dos Deputados e 250.000 papeletas cos candidatos das 12 listas presentadas para o Senado.

Forman as mesas electorais 1.623 cidadáns. Para asegurar o normal desenvolvemento das votacións na provincia, cóntase cun dispositivo formado por 960 funcionarios das forzas de seguridade. 417 representantes da Administración encargaranse de verificar a correcta apertura das mesas, resolver incidencias e recoller os datos dos recontos de votos tanto para o Congreso como para o Senado.

As mesas electorais levan abertas desde as 9.00 e manteranse abertas ininterrumpidamente ata as 20.00, cando se pecharán as urnas e comezará o reconto dos votos emitidos.