Este venres 31 de maio, de 9:45 a 11:25 horas, a asociación Albores achegarase ao CPI Uxío Novoneira de Pedrafita do Cebreiro. Unha das psicólogas da asociación explicará nocións básicas de saúde mental ao alumnado de 1º a 4º da ESO, para axudarlles a previr trastornos mentais, así como a detectar os síntomas máis habituais e saber a onde deben de acudir en caso de atoparse nestas situacións.
Albores Saúde Mental é a asociación de referencia da zona sur de Lugo na promoción da saúde integral das persoas con enfermidades mentais, así como na mellora da súa calidade de vida, a das súas familias e a da comunidade. Para achegarse a estes obxectivos, a Asociación realiza actividades de prevención, tratamento e rehabilitación no eido da saúde mental.
Este ano, aproveitando que o pasado Día Mundial da Saúde Mental, foi adicado á xente nova, Albores concentra a campaña de sensibilización na mocidade, impartindo charlas e levando a II Exposicion Fotoxénica-Mente polos colexios e IES da zona. Ata fin de curso a exposición permanecerá no Colexio Ferroviario de Monforte de Lemos.
