A Fundación Naturgy leva celebradas 8 xornadas formativas en diferentes poboacións da provincia de Lugo e chega o vindeiro 3 de xuño ao Concello de Carballedo.

Nas sesións da Escola de Enerxía desta fundación trabállanse temas relacionados coa eficiencia enerxética ou a optimización de facturas. Identifícanse aquelas persoas que poden ter acceso ao bono social e axúdaselles tamén a solicitalo. “O que buscamos é empoderar ás persoas máis vulnerables para que podan minimizar o impacto do custe enerxético aplicando medidas e consellos explicados nos talleres formativos”, afirma Ester Sevilla, directora da área de Proxectos Sociais e Internacional da Fundación Naturgy.

Dende a súa posta en marcha en xuño de 2017, a Escola de Enerxía formou xa a máis de 14.600 persoas, entre familias en situación de vulnerabilidade enerxética e técnicos do Terceiro Sector e da administración de toda España.

Este Plan de Vulnerabilidade Enerxética é o primeiro que desenvolve unha empresa enerxética española e naceu no ano 2017. Contempla máis de 20 medidas, tanto operativas como sociais, que teñen como obxectivo reforzar e sistematizar a xestión dos clientes con problemas económicos de acceso á enerxía e fortaleces a colaboración coas entidades do sector enerxético e a comunicación cos Servizos Sociais.