Satisfacción na CIG, que consegue 3 dos 5 delegados/as do comité de empresa obtendo, por primeira vez, a maioría absoluta no órgano de representación do persoal laboral.
Dende a central nacionalista destácase a elevada participación neste proceso, xa que dun total de 78 traballadoras/es acudiron a votar 72 persoas; 23 no colexio de técnicos/as, onde se escollían 2 delegados/as, e 52 no colexio de Especialistas, que elixía 3 representantes.
Os resultados das votacións foron os seguintes:
| Colexio | CIG | CSIF | ||
| Votos | Delegados/as | Votos | Delegados/as | |
| Técnicos/as | 12 | 1 | 11 | 1 |
| Especialistas* | 30 | 2 | 18 | 1 |
| Total | 42 | 3 | 29 | 2 |
*Aos votos neste colexio hai que sumarlle un voto en branco
A CIG agradece a confianza depositada polo persoal laboral do Concello de Chantada nas súas candidaturas e reafirma o seu compromiso na defensa dos dereitos dos traballadores e das traballadoras e na loita por asegurar uns servizos públicos de calidade. Como obxectivos inmediatos que se marcan está rematar a Relación de Postos de Traballo no concello -RPT que segue a medio facer- e sentar as bases para iniciar a negociación dun novo convenio colectivo que substitúa ao actual -xa caducado- recollendo melloras salariais e laborais.
