HomesociedadeO BNG esixe o desdobramento do corredor entre Nadela e Monforte

O BNG esixe o desdobramento do corredor entre Nadela e Monforte

A Xunta xa conta cun proxecto para esta vía de alta capacidade, pero aínda non levou a cabo ningún tipo de obra.

Publicado o

- Advertisement -

Olalla Rodil, deputada do BNG no Parlamento Galego, anunciou o pasado venres día 28 que o seu partido presentará diversas iniciativas nas institucións para que a Xunta leve adiante o desdobramento do corredor Nadela-Monforte. Esta nova chega despois de que se producise un accidente mortal máis nesta vía, onde faleceron xa 12 persoas nos últimos cinco anos.

A Xunta de Galicia conta cun proxecto de desdobramento desta Vía de Alta Capacidade. Con todo, Rodil afirma que “é evidente que se trata dunha decisión política, dende a apertura deste corredor vense anunciado o desdobramento pero non se fixo nada”. Tamén lembrou que en febreiro deste ano anunciáronse 23 millóns de euros para desdobrar o tramo entre A Pobra de San Xiao e Sarria, pero non se realizou aínda ningún tipo de obra e “os accidentes seguen producíndose”.

Para o BNG “o desdobramento ten que facerse dende Nadela ata Monforte e empezar, canto antes, a execución das obras para evitar a sangría de vidas humanas e de persoas feridas de gravidade”.

ÚLTIMAS

Traballo colectivo da Asociación de Empresas Ribeira Sacra Next para a súa posta en funcionamento

Os encontros desenvólvense os venres pola tarde coa presenza dun máximo de 20 empresas,...

O BNG de Monforte leva a pleno un punto de información turística na Compañía

Explican os nacionalistas que o tramo da rúa Doutor Casares máis próximo ao centro...

Mario Obrero presenta o libro ‘Con e de curcuspín’ este 26 de maio na Pobra do Brollón

Con e de curcuspín é un ensaio no que a reflexión lingüístico-literaria mestúrase coa...

Un ferido nun accidente de tráfico na LU-109 en Monforte de Lemos

Un condutor resultou ferido este sábado en Monforte de Lemos ao impactar contra unha árbore o...