Esta edición do Baile á Luz da Lúa comezará cunha exhibición de baile profesional, que correrá a cargo de Diego Cornella e Laura Díez, profesores do curso de baile de salón que se está a realizar nestes días, organizado polo Concello de Sober. As 22.00 é a hora prevista para o inicio da actividade.

De seguido haberá un concerto da Banda de Música de Sober que interpretará distintas pezas para todas a aquelas parellas que desexen participar no concurso que estará dotado de varios premios para os mellores bailaríns.

Todas aquelas persoas que desexen participar no concurso soamente terán que inscribirse ao inicio do baile. Como único requisito deberase ter ganas de bailar e pasalo ben.