Luis Rodríguez Fernández, veciño de Monforte, amante da pintura donou ao Concello de Monforte, este mércores, 4 de setembro, o cadro denominado “Miguel de Cervantes escribiendo sus últimas voluntades al VII Conde de Lemos”.
O óleo amosa ó universal escritor español postrado na cama escribindo as súas derradeiras vontades ó VII Conde de Lemos, será colocado no despacho de Alcaldía, xunto cos outros tres cadros que xa cedeu anteriormente Luis Rodríguez, e que recollen o retrato do VII Conde de Lemos, Pedro Fernández de Castro, o do Cardeal Rodrigo de Castro, e o de Dª Catalina de la Cerda y Sandoval, esposa do VII Conde de Lemos e fundadora do convento monfortino de Santa Clara.
O Alcalde de Monforte, en nome de todos os monfortinos, agradece a Luis Rodríguez a súa xenerosidade e o seu interese e preocupación pola cultura e patrimonio artístico e cultural de Monforte.
Día Europeo da Cultura Xudea en Monforte
O Concello de Monforte conmemora este venres, día 6, o Día Europeo da Cultura Xudea cun acto que se desenvolverá ás 19.00 horas na Rúa Falagueira de Monforte, a carón do nº9.
No acto, presidido polo Alcalde de Monforte, plantarase un olivo e descubrirase un monolito con placa conmemorativa, ademais de ler un texto de homenaxe en lembranza da Comunidade Xudea e Xudeu Conversa monfortina que, ó longo dos séculos, contribuiu á construción e á existencia de Monforte de Lemos.
