O acordo, asinado entre Medio Rural e o Concello do Incio, precisa que a avespa ten unha incidencia especial na produción apícola, xa que unha parte importante da súa dieta está constituída polas abellas, ás que ataca, así como sobre a produción froitícola. Ademais, a presenza de niños pretos de poboacións constitúe un risco para as persoas, especialmente no caso das que sexan alérxicas.

Algúns concellos adheríronse ao Plan de vixilancia e control fronte a esta especie, abordando a retirada dos niños mediante persoal propio, polo que a Consellería do Medio Rural colabora cedendo material ás unidades que participan na retirada desta especie invasora.

Trala cesión do material correspóndelle ao Concello do Incio realizar as tarefas de supervisión necesarias para garantir a permanente dispoñibilidade e operatividade dos equipos de protección individual e a pértega.