O Alcalde ordenou, como medida preventiva, acordoar toda a zona para evitar que a poboación poida acceder ao ‘Parque López Suárez’ e sufrir algunha picadura.
Coñecida a localización das velutinas, o rexedor municipal púxose en contacto coa xerente do Consorcio de Bombeiros para que efectivos do mesmo, que contan con equipos axeitados para este tipo de accións, procedesen á súa inmediata retirada. Os bombeiros acudiron ao lugar e retiraron 3 niños, un que estaba no patio de luces dun edificio próximo ao parque indicado e outros 2 na parte alta dunhas árbores.
Acordoada a zona do parque infantil, o concello recomenda aos pais e nais que non leven aos seus fillos alí ata que se estabilice e se solucione a situación. Unha vez rematen os traballos de retirada dos nidos e quede garantida a seguridade no Parque, procederase á súa apertura aos usuarios.
