Este venres, 27 de setembro, os usuarios e equipo do Centro de Educación Especial Infanta Elena de Monforte, continuaron co proceso de vendima que teñen iniciado coa adega EDV 2015.

Despois de ter recollido a uva, este venres pisarana de modo tradicional, contando con persoal da adega que se trasladou ás instalacións do centro educativo. Posteriormente ofrecéuselles unha charla sobre os seguintes pasos do proceso de elaboración que terán que seguir os participantes para obter o seu propio viño.

Desde hoxe mesmo inician o proceso de fermentación, proceso que os rapaces deben vixiar durante os próximos días. O remate farase, cando chegue o momento, co embotellado e etiquetado do seu propio viño.