Iniciosociedade350.000 euros para a estrada provincial entre Monforte e A Pobra do...

350.000 euros para a estrada provincial entre Monforte e A Pobra do Brollón

A Deputación de Lugo vén de aprobar obras de mellora do firme das estradas LU-P-3203 e LU-P-4702, que unen Monforte de Lemos coa Pobra do Brollón. Investiranse 351.325 € nunhas actuacións que se executarán nun prazo de seis meses.

Publicado o

- Advertisement -

Os traballos desenvolveranse en 7 quilómetros e medio no treito que une Monforte con Vilachá-Rozavales.  En concreto, na LU-P-3203, melloraranse 6 quilómetros, entre os puntos 6,030 e 11,997. Ademais, farase outra intervención na LU-P-4702, entre os puntos 1,200 e 2,400.

Consistirán na pavimentación, reapertura de cunetas e sinalización horizontal. Estas obras mellorarán a seguridade viaria e a comodidade dos condutores nunha estrada de moita relevancia social, que conecta o núcleo de Rozavales coa cidade de Monforte de Lemos.

O proxecto técnico sométese a información pública durante quince días, e logo, se non hai reclamacións, quedará aprobado de xeito definitivo. Tamén queda aprobado o prego de cláusulas administrativas particulares para a contratación desta obra.

Rolda de prensa da Xunta de Goberno. Foto: Prensa Deputación de Lugo

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...