Música, viño, gastronomía e patrimonio son os catro eixos do festival 17º Ribeira Sacra que propón unha experiencia única ao redor da música en directo e da cultura do viño nunha zona dunha riqueza natural, patrimonial e vitivinícola singular. O festival combina os concertos diurnos cos nocturnos e programa actividades gastronómicas e eventos exclusivos relacionados coa paisaxe da Ribeira Sacra e coa cultura do viño: catas a cegas, catas musicadas, concertos nas adegas…

O Festival 17º Ribeira Sacra chegaba este ano á súa terceira edición contando con artistas como Kevin Johansen, Jonathan Wilson, Enric Montefusco, McEnroe, Los Enemigos, Jacobo Serra ou Soledad Vélez. Os concertos desenvólvense nunha paisaxe única e unha terra singular elixida desde hai séculos como lugar de retiro e con condicións climáticas que favoreceron o desenvolvemento dunha importante actividade vitivinícola. As excepcionais condicións da natureza e o cultivo da vide en socalcos crearon un territorio de gran beleza, que aspira a ser Patrimonio da Humanidade.

Dentro dos Premios Mágnum do Viño Galego 2019 establécense oito categorías, para cada unha das cales se propoñen cinco nomeados. Os premiados daranse a coñecer na propia gala de entrega, que se celebrará o día 16 de novembro en Vilagarcía de Arousa. As categorías son:

• Mágnum ao mellor viño galego.
• Mágnum ao mellor veu revelación galego.
• Mágnum á mellor adega galega.
• Mágnum á mellor iniciativa de enoturismo.
• Mágnum ao mellor tratamento do viño galego fóra de Galicia.
• Mágnum ao mellor catador revelación de Galicia.
• Mágnum ao mellor catador de Galicia.
• Mágnum Honorífico.