O Concello de Quiroga organiza un Curso de Cata de Viños xenuinos e especiais no que pode participar quen o desexe. A actividade está incluida no proxecto Coñece o Camiño de Inverno. Museos Etnográfico e Xeolóxico de Quiroga, que ten por obxectivos dar a coñecer e preservar o patrimonio, a cultura e a gastronomía.
O proxecto está cofinanciado pola Xunta de Galicia dentro do Programa O teu Xacobeo. O curso de cata de viños desenvolverase entre o 9 e o 19 de decembro, en horario de 18:45 h a 22:00 h; na Sala de Catas do Museo Etnográfico Municipal; ata completar un total de 26 horas.
A formación será impartida pola Escola de Cata de Viños, Manuel Sánchez Formación. Para participar nesta actividade de balde, os interesados poden inscribirse na Casa da Cultura ou chamando ao 982 435 125.
