O rexedor fará esta solicitude ao organismo lugués, logo de reunirse cos integrantes da Asociación Veciñal O Saviñao, que preside Manuel Sarmiento, e onde acordaron dirixirse á institución provincial para dotar ao municipio deste servizo necesario na localidade e que leva parado 9 anos, dotado cun orzamento de 1,5 millóns de euros.

O concello asegura que estas infraestruturas son necesarias, se se ten en conta a evolución da pirámide poboacional. Segundo dato do Instituto Nacional de Estatística (INE), da poboación total de O Saviñao -uns 3.800 habitantes-, os 42%, é dicir, máis de 1.600, superan os 65 anos. É por este motivo polo que dende o Executivo local urxen ao provincial a cumprir “a palabra dada hai tantos anos e que ningún presidente dende esa data foi quen de poñernos un proxecto enriba da mesa”.

Con todo, Armesto confía en que o novo Executivo, que prevé aprobar o Orzamento a principios de decembro, inclúa a partida económica correspondente para esta infraestrutura.

No transcurso da xuntanza, o rexedor e os membros da asociación abordaron outros asuntos de interese para o concello. É o caso de establecer medidas para regular o tráfico na Praia da Cova, promoción e sinalización das rutas de sendeirismo, avances no centro de saúde, coidado da Devesa ou melloras nas traídas de auga.