O Concurso de Contos Solidarios convócao Radio Nacional de España e a Fundación Crecer Xogando, dentro da campaña solidaria “Un xoguete, unha ilusión”, que este ano celebra o seu vixésimo aniversario.

O Concello de Sober, a través dun comunicado, agradece aos alumnos gañadores o seu traballo e a colaboración das persoas que “durante estes días votaron por eles”. Porque ao final, lembra o goberno local, “gañou Sober”.

Os propios gañadores, alumnos/as da clase de cuarto de Primaria, gravaron un vídeo que foi difundido a través das redes sociais para dar as grazas por ese apoio. O conto gañador titúlase “Os xoguetes solidarios” e foi elixido na categoría de Segundo Ciclo nun concurso que contou coa participación de alumnos/as de Educación Primaria de entre 6 e 12 anos e de Educación Especial de toda España. Á final chegaron, ademais do colexio de Sober, dous centros de Zaragoza, un de Sevilla e outro de Xixón.