Estas accións formativas destinadas a mellorar a empregabilidade das persoas que se atopan inscritas no paro, contan cun investimento de 150.000 euros. Inclúe accións en centros propios, o financiamento da programación AFD -promovida por empresas, concellos e outras entidades- e o uso de instalacións educativas en colaboración coa Consellería de Educación, Universidade e Formación Profesional.

En concreto, no IES A Pinguela ofertarase o curso de coidados estéticos de mans e pés, no IES Francisco Daviña Rey o de mantemento do motor e os seus sistemas auxiliares, ambos na cidade do Cabe e, xa en Chantada, o curso ofertado é o de mantemento de sistemas de transmisión de forza e trens de rodaxe de vehículos automóbiles.

As persoas interesadas en participar nestes cursos poden recibir máis información e inscribirse na rede de oficinas de emprego que a Xunta ten na provincia.