A música volve ser protagonista o 21 de decembro co concerto didáctico “Os Merlos do Amencer” ás 18:00 h. Senén Vaamonde, Manuel Dopico e Alfredo Dourado do Grupo A Roda serán os encargados de achegar a música ao público participante nesta actividade de dinamización lingüística. As letras e a música coas que se traballa son de Celso Emilio Ferreiro e Senén Vaamonde respectivamente.
Para os días 28 de decembro e 4 de xaneiro hai programados dous espectáculos infantís: “Os libros contraatacan” de Lucecús Teatro ás 17:30 h. e “Cinco historias para unha man” de Mircromina Teatro de Títeres ás 18:00 h.-.
E como en anos anteriores o concello ofrece tamén a “Ocioteca de Nadal” para os días 23 e 30 de decembro e 2 e 3 de xaneiro en horario de 10:00 a 14:00 h. Os días de 2019 realizaranse obradoiros con material de refugallo e o calendario de 2020 ademais de xogos e cinema de Nadal. Para os días 2 e 3 do vindeiro ano os pequenos e as pequenas terán contos e música de aninovo ademais de obradoiros, un para facer unha carta ilustrada aos Reis Magos e outro de repostería para elaborar tronco de Nadal con galletas picadas.
O remate da programación de Nadal chegará coa visita das súas Maxestades os Reis Magos de Oriente ao Centro Sociocultural o día 5 de xaneiro ás 17:30 h. Despois de visitar aos residentes da residencia chegarán á Casa da Cultura onde terá lugar unha gala na que participarán as escolas de música e de baile municipais. A continuación, os Reis Magos farán entrega de agasallos a todos os nenos e nenas do concello.
