HomesociedadeSarria aposta polo intercambio de xoguetes

Sarria aposta polo intercambio de xoguetes

Aqueles nenos e nenas que queiran participar nesta acción poderán cambiar con outros nenos e nenas os xoguetes que xa non usen. Esta actividade terá lugar os días 30 de decembro, 2 e 3 de xaneiro na Casa da Cultura de Sarria en horario de mañá e de tarde.

Publicado o

- Advertisement -

O Concello de Sarria aposta por esta interesante iniciativa e cita as verbas de Froebel “na educación inicial do neno, o xoguete é un proceso esencial” para presentala a través das redes sociais.

Fronte ao costume e proceso habitual de mercar, usar e tirar, con esta acción o que se pretende é apostar pola “cultura de intercambiar”. Tratarase dun intercambio, no que a nena ou o neno que deixe un xoguete, poderá levar outro de tal maneira que aqueles xoguetes en bo estado que están un pouco apartados ou esquecidos poidan ter unha segunda vida.

Esta actividade contribuirá a asentar valores fundamentais e unha educación integral nos pequenos e pequenas fomentando distintos obxetivos: compartir, colaborar, respectar, conformarse, reciclar, reutilizar…

O punto de intercambio será a Casa da Cultura de Sarria e poderase participar no proceso o luns 30 de decembro e os días 2 e 3 de xaneiro en horario de 11:00 a 13:30 h. pola mañá e de 17:00 a 20:00 h. pola tarde.

Dende o concello animan a levar os xoguetes eses días, xa sexa para intercambiar ou para doar, e de paso aproveitar xa a visita tamén para entregar as cartas dos Reis Magos aos Paxes.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...