A Consellería de Educación, Universidade e Formación Profesional vén de publicar a licitación da rehabilitación enerxética do IES Lama das Quendas (Chantada) por un importe de 665.658,39 €. As empresas interesadas en presentar ofertas teñen de prazo ata o día 31 de xaneiro.
As actuacións centraranse na mellora da eficiencia enerxética do centro, a través da colocación de illamento de fachada polo exterior mediante sistema SATE. Así mesmo mudaranse as actuais fiestras por unhas novas de carpintería de aluminio con rotura de ponte térmica e vidro dobre baixo emisivo. Tamén se substituirán as persianas, que levarán illante térmico interior.
A obra contempla tamén a reparación da cuberta do polideportivo e a substitución do termo dos vestiarios, a reparación e pintado de paramentos, a renovación dos aseos e o abrillantado do pavimento de terrazo. Os traballos teñen un prazo de execución de 2,5 meses.