IniciosociedadeO CEIP Frei Luís retomará as clases "con normalidade" o vindeiro 3...

O CEIP Frei Luís retomará as clases “con normalidade” o vindeiro 3 de febreiro

O delegado da Xunta en Lugo, José Manuel Balseiro, explicou que se está habilitando a Escola Fogar de Sarria para trasladar alí o alumnado mentres non se rematen as obras no colexio.

Publicado o

- Advertisement -

As clases no colexio Frei Luís de Granada (Sarria) comezarán con “normalidade” o próximo 3 de febreiro, tal e como manifestou este luns o delegado da Xunta en Lugo, José Manuel Balseiro.

Unha “normalidade” que se retomará logo de que, desde o pasado luns 20 de xaneiro, pais e profesores protestasen polas obras acometidas no centro e de que a maioría do alumnado non acudise a clase. Mesmo se convocou unha manifestación en Sarria o pasado venres.

O delegado da Xunta confirmou que este luns só acudiron ás aulas 46 dos 367 nenos escolarizados neste centro público de Sarria, o único destas características neste municipio.  Ademais, Balseiro confirmou que o Concello está a colaborar para habilitar a Escola Fogar como espazo alternativo para desenvolver a actividade lectiva mentres non se conclúan as obras no colexio.

“Hai que sacar material que hai alí e, a continuación, hai que conectar a calefacción e facer algunha división para facer aulas. Cóntase que o mércores iso estea terminado e que as clases empecen con normalidade o luns que vén”, constatou.

ÚLTIMAS

Concerto da soprano, Aida Gimeno, o 9 de decembro en Sober

O Concello de Sober e as Xuventudes Musicais organizan esta proposta que achega ao...

Pintores de Carballedo, nacer en Carballedo ten o seu aquel artístico

Xosé Randolfe Vilariño é un dos ilustres de Carballedo, nado no lugar de Quintá...

Unanimidade no Parlamento para demandar ao Goberno de España a execución das variantes ferroviarias dos Peares e Rubián

O autor da iniciativa, José Manuel Balseiro, lembrou que son “infraestruturas proxectadas no seu...

A segunda etapa do Gran Camiño pasará por Taboada e Chantada o 23 de febreiro

A volta ciclista profesional “O Gran Camiño”, que por terceiro ano traerá a Galicia...