O Concello de Sober conta desde esta fin de semana cun novo centenario: Manuel Castroseiros Álvarez, de Ferroños, en San Martiño de Anllo.
O ‘Mañé‘, como é coñecido, está viúvo e vive con súa filla Montse. Ten un neto e un bisneto, co que o vemos na foto. Foi emigrante en Irlanda e rexentou durante preto de 20 anos un bar en Sober.
Para o seu cumpreanos recibiu a visita do alcalde, Luis Fernández Guitián, e da secretaria da Mesa do Parlamento, Raquel Arias. Sober conta agora con 13 centenarios; dez mulleres e tres homes.
