As obras consistirán na corrección de baches existentes na rúa Dr. Teixeiro, propiciados polo afundimento dalgúns adoquíns en dita calzada. Levantarase os adoquíns afundidos ou deteriorados, que serán nivelados co resto da calzada, que é de pedra. Os traballos levaranse a cabo durante esta fin de semana en dúas fases.

O sábado, día 7, pola tarde, as obras acometaranse no tramo correspondente entre o inicio da rúa Ricardo Quiroga e a Praza de Abastos, quedando o tráfico nese caso aberto por Julio Camba, con subida por Ricardo Quiroga, e baixada por Praza de España e rúa Bailén para acceder á Praza de Abastos e á rúa Inés de Castro.

O domingo, día 8, pola mañá, farase a parte correspondente ó tramo entre o enlace da rúa Julio Camba e Ricardo Quiroga, e nese caso cortarase o tráfico na entrada á rúa Julio Camba dende a rúa Roberto Baamonde, facendo o acceso á Praza de Abastos e rúas colindantes pola rúa Corna e pola rúa Real-Campo da Virxe e Santo Domingo-Praza de España.