Alex Arena, físico e profesor en Ciencia Computacional e Matemáticas da Universitat Rovira i Virgili (URV) de Tarragona, acaba de publicar un mapa sobre as predicións dos contaxios no conxunto do Estado tras a entrada en vigor das restricións de mobilidade polo Estado de Alarma.

As súas conclusións son contundentes, en dez días o principal pico de infectados será entre o colectivo de persoas que non teñen restrinxida a súa mobilidade que pode superar as 20.000 persoas. Tamén crecerán os que teñen restrinxida a mobilidade só por cuestións laborais, aínda que menos.

A súa predición sinala que tras instalarse o Estado de Alarma será o colectivo recluído na casa o que conseguirá controlar a expansión do virus. Por iso suxire que haxa unha “restrición de mobilidade total”, excepto en servizos esencias. “Es necesaria YA”, di na súa conta de tuiter.