11 hoteis da provincia de Lugo colaboran coa Xunta para crear aloxamentos de garda na crise co coronavirus. Trátase, segundo o delegado territorial da Xunta, José Manuel Balseiro, de habitacións a disposición de persoas que poidan verse afectadas polo peche dos hoteis que decretou o Goberno central como consecuencia da crise do coronavirus. “Estes aloxamentos diríxense a traballadores desprazados con residencia noutros lugares que estean a prestar servizos esenciais, como persoal sanitario ou de residencias, operarios de obras públicas, colectivos en situacións de especial vulnerabilidade social como vítimas de violencia de xénero”, informa.
Na web da Xunta e de Turismo de Galicia cóntase co listado completo por cada provincia, que se actualiza en función das circunstancias.
https://www.turismo.gal/covid19
Para a xestión de reservas e dúbidas sobre aloxamento, están dispoñibles o teléfono 986 44 70 60 e o enderezo mice@abramar.com da empresa especializada Viajes Abramar, encargada de dar soporte nestas semanas á demanda aloxativa.
Hai aloxamentos dispoñibles en 8 municipios lucenses: Lugo cidade (2), Ribadeo (2), Viveiro, Monforte de Lemos (2), Vilalba, Sarria, Portomarín e Burela. “Todos prestan a súa colaboración voluntariamente e adoptarán todas as medidas de seguridade e hixiene sanitaria oportunas, segundo apuntou o delegado territorial,” sinala Balseiro.
