O Concello de O Saviñao reparte o material de protección individual (EPIs) concedidos pola Xunta de Galicia para combater o coronavirus. En total, con este primeiro envío realizado ás entidades locais, O Saviñao dispón de 1.000 luvas e 114 mascarillas. Segundo adianta o alcalde, Carlos Armesto, parte deste subministro xa foi distribuído ás traballadoras de axuda a domicilio; o resto estase xa repartindo nos demais casos no se precisa.

Carlos Armesto destaca que “moito destes sistemas de protección proceden de recursos propios, doazón de empresas, institucións e mesmo particulares que altruistamente non dubidaron en axudar nesta situación complicada. Isto supuxo e está a supoñer un gran esforzo tendo en conta a súa escaseza.”