A Asociación Galega de Xerentes de centros comerciais abertos e urbanos de Galicia, neste caso, a través do Centro Comercial Urbano de Sarria- ACES, pon en marcha, desde o 1 ao 12 de abril, unha campaña de promoción comercial denominada, “A MORRIÑA NON TEN BRAZOS PERO APERTA O CORAZÓN“, cos obxectivos de:

1. Dar a coñecer esta nova asociación formada polos xerentes de Centros Comerciais Abertos e Urbanos de Galicia.
2. Recordar aos  clientes que o comercio local está ao seu carón, nestes momentos duros e seguirá estando cando se venza ao Covid-19.
3. Premiar a fidelidade dos clientes do comercio de proximidade, transmitindo unha imaxe de unidade.

Para participar nesta campaña os interesados deberán acceder á conta de facebook da Asociación e buscar o post do concurso. Para participar ahi que compartir o post de maneira pública, facer un comentario indicando o que se bota en falta do comercio local cun texto, debuxo, foto ou video e inidicar a poboación onde lles gustaría comprar, no caso de gañar un dos vales compra.

Os participantes entrarán no sorteo de 27 vales compra de 50€, un por cada CCA/CCU que participe na campaña, que se poderán gastar nos establecementos asociados. Póñense en xogo 1.350 €.