Os casos activos nas residencias de anciáns da zona sur da provincia non aumentaban nos últimos días; pero os últimos datos oficiais dan un aumento importante de casos na residencia de Castro Caldelas, que pasa de 7 casos activos nos usuarios, a 16 ademais dunha persoa falecida. Tamén se confirmaron neste centro 3 novos traballadores con Covid19, que se suman aos 3 que xa tiñan confirmados. O resto de residencias de anciáns do sur de Lugo non ten comunicado ningún novo caso.

Nos centros para persoas con dicapacidade pasa a sumarse aos centros afectados, a Domusvi de Bóveda que onte confirmaba dous traballadores afectados e hoxe informa de dous pacientes infectados. E seguen subindo os casos activos no CAPD de Sarria, que onte sumaba un usuario máis e xa son 8 e hoxe confirmábase o diagnóstico en 3 traballadores máis, contabilizando un total de 14.