A empresa comezou esta mesma semana coa construción dun centro de transformación no lugar de Cimadevila, en concreto da liña de media tensión e de baixa tensión, que afectará á practica totalidade da parroquia de Bolmente e a unha parte da parroquia de Figueiroá e da parroquia de Barantes.
Esta mellora supón un investimento aproximado de 180.000 euros e vai mellorar o subministro eléctrico desa zona do Concello, o que traerá consigo que non se repitan as baixadas de tensión que ás veces se producían.
O Concello de Sober agradece o importante investimento que fai a compañía eléctrica na renovación da liña nestas parroquias, que é continuación doutras melloras que xa se fixeron en anos anteriores noutros puntos da localidade.
