Os últimos datos oficiais dan 244 casos activos na provincia de Lugo, deles 7 están na UCI, igual ca onte (2 deles na UCI do Hospital Público de A Mariña. Os outros 5 na do HULA). 22 en hospitalización, tres menos ca onte (7 no Hospital Virxe dos Ollos Grandes e o resto no HULA).
O Hospital da Mariña conta con dous pacientes na UCI, pero ningún hospitalizado; e o de Monforte cumple hoxe unha semana sen infectados. 215 persoas pasan o diagnóstico no domicilio; onte eran 643 ao non ter contablizado os datos das altas epidemiolóxicas, datos que agora se comezan a incorporar; de acordo co protocolo establecido desde o Ministerio.
A día de hoxe na provincia lévanse producido 26 falecementos por coronavirus e lévanse rexistrado 842 casos entre falecementos e altas.
Este cambio nos datos da Xunta dispara os pacientes curados en Galicia a 5.393. Os contaxiados deste mércores en Galicia baixan a 3.526.
Nos datos das residencias de anciáns da zona sur non hai novidades e recupérase a dous traballadores da residencia de Castro Caldelas, que agora queda con 4 usuarios infectados. Nos centros de atención a persoas con discapacidade non houbo cambios.
