HomesociedadeAxudas europeas para wifi nas zonas turísticas de Sober

Axudas europeas para wifi nas zonas turísticas de Sober

O Concello de Sober vén de solicitar o programa europeo WIFI4EU destinados aos municipios pequenos para dotar de WIFI gratuíta diferentes zonas de afluencia turística.

Publicado o

- Advertisement -

A axuda, que pode chegar aos 15.000 euros, empregarase no concello de Sober para dotar de conexión aqueles lugares nos que hai máis afluencia de visitantes, como pode ser Doade. A concesión deste proxecto permitiría crear unha rede de puntos de acceso gratuítos e de alta velocidade a Internet en diferentes lugares públicos de Sober.

A maiores, o Concello ten previsto ampliar a mesma rede con fondos propios municipais para poder estendela a outras zonas, como Os Chancís, os miradoiros, as proximidades das casas de turismo rural ou a propia capitalidade.                      

O obxectivo da iniciativa Wifi4 EU é proporcionar en toda a UE a residentes e visitantes acceso a internet de alta calidade a través de puntos de acceso Wi-fi gratuítos situados en espazos públicos como parques, prazas, edificios administrativos, bibliotecas ou centros de saúde.

Os bonos financiados pola Comisión Europea a través desta iniciativa concederanse para axudar aos municipios para instalar os puntos de acceso Wi-fi nestes centros da vida pública, utilizando os servizos de empresas de instalación de Wi-fi.

Cada municipio poderá contratar á empresa de instalación de Wi-Fi da súa elección para instalar os equipos inalámbricos. O bono WiFi4EU é unha subvención en forma de achega que se destina a cubrir soamente os custos de equipamento e instalación de puntos de acceso Wi-Fi. Corresponderá aos municipios correr cos gastos de conectividade (abono a internet), mantemento e funcionamento do equipo durante polo menos tres anos.

ÚLTIMAS

Máis dun cento de persoas asisten á proxección de Reboiras en Monforte

Ao remate da proxección tivo lugar un coloquio no que interviron dous militantes da...

Tomé inaugura o VII Festival do Viño da Ribeira Sacra de Monforte coa participación de 3O adegas

Aproveitando a súa intervención, Tomé anunciou que a Deputación Provincial asinará en breve un...

Remátase o muro de sostemento en Gradín para garantir a seguridade viaria en Láncara

Os traballos consistiron na execución dun novo muro de sostemento e na renovación da...

O Concello de Chantada reforza a sinalización turística do Monte Faro

Os novos sinais instalados, mencionan a igrexa de Santiago de Requeixo, a ermida de...