Este luns, 8 de xuño, a provincia de Lugo conta con 30 casos activos de coronavirus, igual ca onte, dos que 1 está en hospitalización no HULA e os 29 restantes, nos seus domicilios. Nesta provincia non hai pacientes por coronavirus na UCI. Desde o comezo da crise, na provincia lévanse producido 899 altas e  28 falecementos. 

Nas residencias de anciáns da zona sur e nos centros de atención a persoas con discapacidade, desde a Domuvi de Bóveda comunicacaban este domingo a última hora da tarde a curación dun usuario e dun traballador, polo que a este centro lle falta a curación dun usuario para quedar libre de coronavirus.

Os casos activos de COVID-19 en Galicia descenderon ata os 515, o que supón nove menos que este domingo, mentres que os pacientes curados aumentaron en dez e sitúanse en 10.252. Ata a data rexistráronse 10.252 pacientes curados e 618 falecementos en Galicia, cifra que se mantén sen cambios desde o mércores pasado.