IniciosociedadeA Pobra do Brollón celebra o campo de voluntariado do Castro de...

A Pobra do Brollón celebra o campo de voluntariado do Castro de San Lourenzo

O campo de voluntariado, que ten prazo aberto para inscribirse, terá lugar do 2 ao 13 de agosto e está aberto a persoas mozas residentes en Galicia entre 18 e 30 anos. O número máximo de participantes son 12.

Publicado o

POR
Redacción
- Advertisement -

Coa confirmación por parte da Consellería de Xuventude da realización dos campos de voluntariado en Galicia, o Concello da Pobra do Brollón anuncia a continuidade do campo no Castro de San Lourenzo, situado en Cereixa.
“Entendemos que se a Xunta dá luz verde aos campos de voluntariado é porque se dan as condicións. Nós estabamos preparados a nivel municipal e alégranos moito poder continuar con estes traballos que repercuten na economía e na comunidade local,” comenta Xosé Lois Maceda, alcalde da Pobra do Brollón.


Un campo arqueolóxico


Os participantes poderán coñecer de primeira man o proceso de escavación dunha necrópole medieval, sector onde se centrarán os traballos este ano e no que apareceu o famoso Atilano, un esqueleto en moi bo estado de conservación atopado na campaña de 2018.

Restos campañas anteriores / Memoria técnica do equipo arqueolóxico


“Trátase dunha das necrópoles medievais mellor conservadas e estudadas de Galicia polo que é unha oportunidade para os participantes de recibir unha formación pouco habitual,” comenta Xurxo Ayán, director arqueolóxico do proxecto.
Os traballos arqueolóxicos véñense realizando dende 2016 e en sucesivas campañas, o castro de Cereixa converteuse nun referente internacional da arqueoloxía en comunidade. Ademais da arqueoloxía, na organización do campo perséguese a implicación dos participantes co proxecto e cos veciños.

Un campo con medidas excepcionais 

Este ano só participarán voluntarios residentes en Galicia, fronte o carácter internacional doutros anos. Asemade, o número máximo establécese en 12, en troques de 20 como en edicións anteriores. Por outra banda, existe un protocolo de seguridade marcado polo distanciamento, hixiene e uso de máscara. “Trátase de equilibrar a precaución coa necesidade de dar continuidade aos proxectos que incentivan a economía local,” comenta Maceda. As persoas interesadas en participar poden atopar máis información e inscribirse en xuventude.net

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...