IniciosociedadePáxina web Salvemos o Malecón ante a preocupación dos monfortinos por conservar...

Páxina web Salvemos o Malecón ante a preocupación dos monfortinos por conservar este espazo

Na web, a plataforma informa de que son un movemento cidadá que xorde diante da preocupación da veciñanza por preservar un dos lugares máis emblemáticos e queridos da cidade "amosando a nosa total desaprobación ante a construción dunha xigantesca ponte destinada ao tráfico no Paseo do Malecón, por considerar que non é necesaria e que desvirtuaría o valor desta zona de xeito irreversible."

Publicado o

POR
Redacción
- Advertisement -

A plataforma cidadá “Salvemos o Malecón” informa á veciñanza de Monforte de Lemos da recente creación e publicación da páxina web www.salvemosomalecon.org.

Nesta web, os internautas poderán coñecer os obxectivos da plataforma, coñecer polo miúdo os detalles do proxecto gañador do concurso convocado polo Concello de Monforte así como os argumentos a favor da ponte expostos polo equipo do goberno e as propostas plantexadas pola plataforma “Salvemos o Malecón. 

Do mesmo xeito, dende esta web teñen tamén a posibilidade de unirse ao grupo de facebook e incluso asinar a recollida de sinaturas creada en change.org para tal efecto.

Mellorar os nosos hábitos

A Plataforma tamén recolle nesta web a súa proposta: “A alternativa ao peche de tráfico pola Ponte Vella pasa por facer un uso máis responsable dos medios de transporte en Monforte, sen necesidade de construír novas e costosas infraestruturas de acceso ao tráfico, e moito menos na fermosa zona do Malecón.

Consideramos que o tráfico debe ser redistribuído de xeito intelixente e, a súa vez, acondicionar novas zonas de aparcamento nas áreas próximas ás rúas do centro da vila. Deste xeito, para acceder ás rúas céntricas, a mellor solución sería aparcar o coche con máis facilidade e atravesar as pontes peonís existentes, mellorando en todo caso a accesibilidade da actual pasarela de madeira.

Por outra banda, para seguir chegando en coche ás rúas próximas á ubicación da ponte proxectada, bastaría con reconducir o tráfico por percorridos alternativos como a circunvalación. Adicionalmente, pensamos que existe marxe de mellora na reorganización dos sentidos de diferentes rúas (como poden ser Santa Clara ou Hortas), de modo que se poderían optimizar recorridos, tanto en tempo como en distancia e fluxo de vehículos.

Neste modelo de vila que propoñemos poden encaixar outras medidas encamiñadas a un uso máis eficiente e saudable do transporte, como por exemplo, a recente incorporación da liña de bus urbano, gratuito e adaptado a persoas con movilidade reducida.”

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...